بالتفصيل شرح الموازي واهم الاسئلة والملاحظات في الجامعات والمعاهد الحكومي العراقية

بالتفصيل شرح الموازي واهم الاسئلة والملاحظات في الجامعات والمعاهد الحكومي العراقية…الموازي او القبول الخاص هو أنه تشتري درجات من الدولة ولكل قسم درجات محدده وسعر محدد  .

كيفية شراء الدرجات ؟

– مثلاً انت معدلك او 96 او 97 وانت حلمك كلية طب ، لكن هذا معدل ما يأهلك أنك تدخل طب فشلون بهيج حالة ؟ ماكو حل احصل بي طب ؟ الحل هو انك تشتري 3 درجات وتضيفهم على معدلك ويصير 98 او 99 وتدخل طب .

• زين شلون ومنين اشتريهم ؟

– تشتريهم من الدولة ، لان حتنزل استمارة خاصة بالتقديم على الدراسة الموازية يسمونها ( قناة القبول الخاص) هاي الاستمارة من تقدم بيها هو تلقائياً يضيفلك درجات الموازي على معدلك.

زين سؤال إكدر اشتري كم درجة ؟ لو مو محدود ؟

– محدود عدد الدرجات الي تشتريهم حسب الكلية ، وحتى تفهم اكثر حنطيك كل كلية وشكد الحد الأقصى الي مسموحلك تشتري بي درجات :-

1- المجموعة الطبية والمعاهد الطبية وكلية التمريض والكليات التقنية الطبية :- ينطوك 3 درجات على معدلك .

فإذا قدمت بالاستمارة ( استمارة الموازي خاصة ) على كلية من كليات المجموعة الطبية ومعدلك 95 فتلقائياً يصير معدلك 98 ؟

2 – الهندسة ينطوك 4 درجات على معدلك.
3 – العلوم ينطوك 5 درجات على معدلك.
4 – باقي الكليات والمعاهد ينطوك 6 درجات على معدلك.

اعلاه إضافة الموازي لآخر سنتين ..

اما قبل 2019 فالاضافة كانت درجتين فقط للمجموعة الطبية وثلاثة هندسة و أربعة علوم و خمسة باقي الكليات والمعاهد …

اسئلة مهمه في الموازي

• اذا اني محتاج درجة فقط يصير اشتري بس درجة لو الا كلهم ؟
– لا الا كلهم تشتري .

• الدفع يكون سنوي لو دفعة واحدة ؟
– يكون سنوي ، يعني كل سنة تدفع الاقساط وعلى شكل دفعات مو مرة وحدة.

• دوامي يكون صباحي لو مسائي ؟
– دوامك يكون حالك حال الصباحي وتداوم معاهم بالكليات الحكومية ونفس الحقوق انت وهم لكن الفرق انك تدفع فلوس كل سنة ، وهم مجاني .

• من ناحية التعيين ؟
– حالهم حال جماعة الصباحي حكومي.

• من ناحية قوة الشهادة ؟
– شهادة الصباحي والموازي نفس الشي.

ملاحظة :- جميع الكليات والمعاهد بيهم دراسة موازي الا معهد النفط لأنه تابع لوزارة النفط مو وزارة التعليم العالي .

 

 

.