تعرف على الدراسة المسائيه في جامعات ومعاهد العراق وماهي امتيازات الدراسه فيها ؟

1- من اسمها مسائي اذاً الداوم يكون بيها مسائي بعد دوام طلبة الصباحي وفي العادة دوام طلاب الصباحي يكون 5 – 6 ساعات اما المسائي 3 ساعات او كلش كلش 4 ساعات فقط.

2- من ناحية التكاليف :- فهي غير مجانية , زين واحد يسأل ليش مو مجانية مع العلم هي دراسة حكومية حالها حال الصباحي ؟

– الجواب :- بسبب فرق المعدل بينك وبين طالب الصباحي ! شلون يعني فرق المعدل ؟

مثال
– كلية التمريض جامعة الموصل حسب العام قبلت الحد الأدنى :- معدل 93.7 للاناث اما مسائي فقبلت :- 80-85 شكد فارق الدرجات بينهم ؟ 10 درجات تقريبًا !

لهذا طالب المسائي يدفع أجور دراسية بالدراسة المسائية كون قبولاتهم اقل بهواي من الصباحي.

3- قوة الشهادة :- تأتي ثانياً بعد الشهادة الصباحية (الموازي) .

4- أولوية التعيين :- الأولوية للصباحي (موازي) ثم يأتي المسائي.

ملاحظة ..

– مو كل الكليات بيها مسائي ، مثلاً المجموعة الطبية مابيها مسائي واكو ايضاً كليات واقسام اخرى مابيهم دراسة مسائية ،تكدر تشوف دليل الطالب وتعرف الكليات والأقسام إللي بيها مسائي.

.