ما تريد معرفته عن تخصص ادب الانكليزي في الجامعات السورية
ما تريد معرفته عن تخصص ادب الانكليزي في الجامعات السورية
ما تريد معرفته عن تخصص ادب الانكليزي في الجامعات السورية
شو حلو أنو الواحد يعرف يحكي لغة غير لغتنا الأمولسا الأحلى أنو تكون هي اللغة عالمية يعني وين مارحت بالعالم هي اللغة محكية.. وشو حلو أنو الفرع يلي بدك تدرسو يكون مستقبلو مو بس شغلة معينة يعني مثلا الأدب الانكليزي شغلو بالمستقبل ما بينحصر كأستاذ وآنسة بس لا كمان في ترجمةيعني فيك تشتغل مترجم بشي شركة .. هلأ هو صح الفرع مو سهل وبنفس الوقت ما صعب كتير ممتع بس إذا حبيتو وتفوقت فيه والحلو فيه أنو مو لغة جديدة علينا أنو دارسينها من قبل ..وحاليا صار فيه لهاد الفرع اختبار قبل دخوله لازم تحقق نسبة 50% بهاد الاختبار لحتى تدخل انكليزي والمعلومات يلي بهالاختبار أغلبها من البكلوريا.. دراسة هالفرع أربع سنين..
رح أحكي شوي عن المواد ..المواد رح تلاقو منها نظري ومنها فيها قسم من العملي (العملي عبارة عن حلقات بحث يعني بيعطيك الدكتور موضوع معين وأنت بتحضره مشان تعطيه أدام زملائك والدكتور..العملي عليه 20 علامة وبيبقى 80 علامة للنظري بتقدموها بالفحص يعني إذا قدمتو حلقة بحث خلال السنة هالشي بنجيكم من السؤال البديل خلال الفحص وهيك بكون معكن مجال خلال الفحص للأسئلة التانية)
– بالسنة الأولى في عنا بالفصل الأول :عربي– قومية(العربي والقومية معلوماتن 90% من البكلوريا هدول المادتين مساعدات) — أصول البحث(بتتعلمو فيها كيف تبحثو بالقواميس وتبحثو عن معلومات وهيك) — صوتيات(مادة بتتعلمو فيها اللفظ وكل حرف من مخرجو وطريقة لفظو الصحيحة) — قواعد(50%منها من البكلوريا طبعا بس بهالفصل وهي المادة هية والصوتيات مادة وحدة يعني وقت الفحص بيجيكن نصف الأسئلة قواعد والنصف التاني صوتيات) — استيعاب( نصوص قراءة ومنحللها)–كتابة(منتعلم كيفية كتابة مواضيع طبعا مبدئية كسنة أولى أنو مو حلوة اسمنا عم ندرس أدب انكليزي وما منعرف نكتب شقفة موضوع عيب يعني-قصة ونثر(فيها قصص حلوة بتدرسوها هية وتفاصيلها)..((((أهم الشي تعرفو أنو رح تدرسو أدددددددب انكليزي يعني لقدام رح تحفظو شعر وتاريخ ومسرحيات وترجمة ومن الذي منو)))) وبعدين إذا دخلتو الفرع لحالكن بتصيرو تعرفو مواد الفصل التاني وباقي السنوات(طبعا هدول المواد بجامعة حلب والمواد بتختلف من محافظة لتانية ونظام الفحص بجامعة حلب أتمتة مافي غير مادة الكتابة والترجمة كتابيات)..ولازم الديكشيناري(القاموس)ما يفارقكم أبدا إن كان ورقي أو الكتروني وأد ما بتقدرو خزنو مفردات واحفظوهم مع اللكنة الصحيحة يعني استمعو لناس محليين عن طريق الانترنت الأفلام الأغاني الأخبار يعني المهم من الأصل وحددوا شو بدكن لكنة من الأول (بريطاني أو أميركي) هالشي بيعتمد على حبكم لل اللكنة هاد الشي بتعرفوه من الدكاترة ومن مادة أصول البحث ومادة الصوتيات..
