ما تريد معرفته عن تخصص الاقتصاد في الجامعات السورية
ما تريد معرفته عن تخصص الاقتصاد في الجامعات السورية
ما تريد معرفته عن تخصص الاقتصاد في الجامعات السورية
شو يعني اقتصاد ..
الاقتصاد هو العلم الذي يختص في مشكلة ندرة الموارد وسوء توزيعها ..
هاد الاختصاص اللطيف والعلم الواسع يلي بيدخل بكافة مفاصل الحياة اليومية
من عرض وطلب على السلع والخدمات
ومن سعر صرف الدولار وباقي العملات واسعار الدهب
وبيتعمق بمجال المحاسبة مشان نسجل مصاريف وايرادات المشروع ونسجل شو اشترينا وشو بعنا و نسجل اديه عطينا للموظفين رواتب واديه لسا باقيلهم معنا
و نحسب اديه ربحنا
ونحصر المركز المالي للمشروع
وبيتعمق بمجال الادارة بعملية التنظيم والرقابة واصدار الاوامر وتحمل المسؤوليات سواء بالمؤسسات الحكومية او بالمشاريع الخاصة
الاقتصاد علم واسع و قديم النشأة منذ بداية الحياة و هوو علم اجتماعي مرتبط بسلوك الافراد
و مرتبط بالسياسة و الظروف المحيطة
وللتحليل الاقتصادي مستويين
على المستوى الجزئي :
بيدرس سلوك المستهلك .. وسلوك الانتاج لمشروع ..
وعلى المستوى الكلي :
بيدرس الاقتصاد ككل على مستوى الدولة ككل فيهتم بدراسة حساب الناتج المحلي الاجمالي .. و ظواهر الركود والتضخم و البطالة ..
طيب هاد الاختصاص الو مستقبل ..؟
كل المستقبل .. هاد الاختصاص هوو اكتر اختصاص مطلوب بسوق العمل
مافي شركة او مشروع بيمشي بدون محاسبين ومدراء و اقتصاديين ..
مجال العمل لطالب الاقتصاد
بالشركات التجارية
( مولات .. شركات استيراد وتصدير .. شركات تأجير سيارات .. ماركات تياب .. محلات الجملة من التجار ..)
وبالشركات الصناعية
( معامل .. مصانع .. وكالات )
وبالشركات الخدمية
( جامعات .. مدارس .. معاهد .. مشافي .. فنادق .. شركات نقل .. مطاعم .. )
وبشركات الوساطة المالية
( البنوك الخاصة والمصارف العامة .. شركات التأمين .. شركات الصرافة )
وبشركات المحاسبة والتدقيق
( مكاتب الدقيق العالمية والداخلية .. ومكاتب الوساطة للاستشارات المالية والاستثمارية )
وبالمؤسسات الحكومية
( وزارة ومديريات المالية .. مصرف سورية المركزي .. وزارة الاقتصاد .. )
وبالحديث عن الكلية
♥️كلية الاقتصاد-جامعة دمشق♥️
موجودة بالبرامكة بجنب كلية التربية
وهيي كلية لذيذة وحلوة وفيها مقصف كتير بيجنن
عدد سنوات الدارسة بكلية الاقتصاد
4 سنوات
السنة الاولى والتانية هيي عامين مندروس فيهم عن كلشي علوم متفرعة عن علم الاقتصاد
اما السنوات التالتة والرابعة
>> عنا بكليتنا كلية الاقتصاد
5 اختصاصات
(محاسبة – – إدارة أعمال -اقتصاد – مصارف وتأمين – احصاء تطبيقي ) ..
والاختصاص بأي وحدة منهم هوو شي اختياري مالو علاقة بالمعدل او بأي شي ..
وبالنهاية .. اختصاص الاقتصاد هو من الاختصاصات يلي مرتبطة ارتباط وثيق بالواقع
بالحياة الاقتصادية والاجتماعية ..
وهاد العلم مرتبط بكتير علوم ومنها
علم الرياضيات .. علم الاجتماع .. علم الإحصاء ..
علم الحقوق .. علم البرمجة ..
ومتطلبات دراسة علم الاقتصاد .. معارف بسيطة في الرياضيات يعني بيكفي معادلات درجة اولى وتانية .. و العمليات الحسابية ..
والمواد في الكلية تتراوح مابين النظري والعملي ..
و أغلب المواد في الكلية مؤتمتة ( اختيار من متعدد )
والحضور غير مطالبين به .. ولكن ننصح بالحضور ..
وعلامة ترفيع المواد كحد ادنى 60 درجة من 100
بالنسبة للمجوع المطلوب لتقدر تفوت اقتصاد وفق مفاضلة العام الماضي 2019 كانت عالشكل التالي لأبرز المحافظات:
دمشق عام 211.7 موازي 206.9
حلب عام 180 موازي 165.5
حمص عام 203.7 موازي 199.7
اللاذقية عام 201.1 موازي 191.2
