ما تريد معرفته عن تخصص الهندسة المعلوماتية في الجامعات السورية
ما تريد معرفته عن تخصص الهندسة المعلوماتية في الجامعات السورية
ما تريد معرفته عن تخصص الهندسة المعلوماتية في الجامعات السورية
فيها ٣ اختصاصات :
1- هندسة البرمجيات : يعني هو الشخص الي بيشرف على فريق من المبرمجين الي ببرمجو برامج (انظمة معلوماتية ) مثلا برنامج ادارة شركة.
باحصائية انو اعلا الرواتب بالعالم صنفت لصالح مهندسي البرمجيات مالنا بالمصاري اصلا نحنا مو ماديين ..
هلئ لنوضح نقطة انو بمعظم الاحيان مهندس البرمجيات هو نفسو المبرمج بدول متل سوريا ..شو ببرمجو ؟؟؟
ببرمج اما مواقع انترنت (متل موقع وزارة التربية المحشش او اي موقع بتدخلو عليه متل مواقع التسوق وو) وبيستخدم لغات خاصة بالمواقع
او ببرمج تطبيقات موبايل(اندرويد او ios يعني نظام ابل) وكلشي برامج عموبايلاتكم بتصيرو قادرين تعملو متلا دووووون اسثناء وصدقا متعة لا متناهية
او ببرمج تطبيقات كمبيوتر
الحلو بهاد الاختصاص هو شي اسمو فري لانس freelance شو يعني ؟؟
امكانية العمل عن بعد .. بتواصل معك العميل بطلب بزنامج بتعملو وانت قاعد ببيتك وبتسمو وبحولك حقو عرصيدك بالبنك..
مادام عن بعد فأنت رح تشتغل مع عالم برا وتقبض عأسعار برا وانت جوا سوريا..
مرحبا انا صاحب سوبر ماركت كبيرة كتير وبدي تطبيق موبايل يديرها ادي سعرو؟؟؟
فأنت بكل ثقة بتقول بعد عشر ايام بتاخدو وتكلفتو 4000$..وطبعا مراعيه كتير..
فاعرفو انو نص مهندسي البرمجيات جيوبهم مليانة..
لي نصهم لي مو كلهم؟؟؟؟ جينا لنقطة كتير مهمة وهي انو لتوصل لهالمرحلة بدك تتعب عحالك كتيييييييير وترمي مناهج الجامعة ورا ضهرك وتتعلم تقنيات من اليوتيوب وتطور حالك بحالك… وكتييييييييير طلاب موظفين بشركات برا عالنت ولسا مو متخرجين .. لي؟ لانهم تعبانين عحالهم وعشقانين الفرع
2- شبكات : اختصاص حلو كتير كمان بتدرسو فيه الشبكات الحاسوبية وطرق تةصيلا وكفيه اتصال الاجهزة مع بعضا وبيدرسو فيا امن الشبكات بحيث كيف شفر المعلومات وماخلي حدا يهكرا ويسرقا وانا عم ابعتا عن طريق الشبكة .. وبتدرسو شبكات الواي فاي وووو ..
3- الاختصاص التالت والاروع والي للأسف مو موجود بحمص بس موجود بحلب والشام وهو الذكاء الصنعي:
علم المستقبل او هو المستقبل بحد ذاتو ..هاد بصراحة بدو بوست لحالو لاحكيلكم عنو وعن عظمتو… بس رح اختصر .. هو العلم الي بخلي الالة تفكر متل الانسان ..كيف بتعلم الكمبيوتر انو يتعلم لحالو..اوصار يدخل الذكاء بكل المجالات ..
الفيس بوك مثلا بتقدر تتعرف عصور المستخدمين عندا بتقنيات face recognition … نظارات غوغل الشهيرة الي بتعطيك معلومات عن كلشي بتشوفو من خلاها .. البوتات والنساعد الشخصي وهي برامج انت بتتحاور معا وبتتعلم من حديثك معا.. مابعرف اذا سمعانين بالروبوت صوفيا الي بيتعلم لحالو من الانترنت .. افتحو عغوغل وشوفو فيدوهات للهاروبوت الخارق.. طريقة تفكير الروبوتات كلا بتندرس بهالمجال… صح عنا هالعلم مو عاطينو قيمتو بفرص العمل بس برا الو المرتبة الاولى ..
لهيك عم تلاقي كتير من الطلاب عم يتعلمو ذاتيا وعم يبدعو ويبتكرو فيه…
وانا وحدة منهم .. كان حلمي اختص ذكاء بس مافتحو المجال بحمص فتعلمتو لحالي من اليوتيوب وعملت مشروع تخرج عنو وكان مشروعي انك تقدر تسجل دخول عالتطبيقات عن طريق بصمة وجهك.. بدل الايميل وكلمة السر… ومشروعي بالرابعة كمان كان فيو ذكاء وهو تطبيق موبايل مساعد شخصي بخليك تتحكم بالهاتف عن طريق الصوت بالعربيي وبالنكليزي….
العلم بحر وبيفتح جال واسع للابداع..
الحلو بهالفرع انو فيك تتعلم اي شي لحالك بدون مساعدة حدا.. النت مسخر بالكامل لخدمتك…
ماترجع تقلي وظيفة دولة ..استثمر مخك بتزنكل.. وطبعا في شركات كتير بالشام بتدرب الخريجين الجدد وبتوظفهم برواتب كويسة بالنسبة لسوريا .. اما برا فرواتبن نار…. وماتصدقو اي مجال تاني بيقبض اكتر من مهندس المعلوماتية ..لان اغنى 2 بالعالم مهندسي برمجيات .
