ما تريد معرفته عن معهد التعويضات السنية في سوريا
ما تريد معرفته عن معهد التعويضات السنية في سوريا
ما تريد معرفته عن معهد التعويضات السنية في سوريا
مدة الدراسة : سنتان
-التعويضات عبارة عن فرع من طب الاسنان او فرع بيكمل طب الاسنان يعني عمل طبيب الاسنان ما بيكتمل الا بالمخبري (حضرتك )
يعني بمعادلة دكتور +مخبري =شغل تمام وابتسامة جميلة .
– بالسنة الاولى بتكون المواد خفيفة فيها قسم نظري وقسم عملي ومن هي المواد :
1-تشريح الاسنان :هي المادة بيطلع الصابون من عيونك لانك بتنحت الاسنان ع الصابون لتتعلم شكل السن ومعالمو التشريحية
2-تيجان وجسور :مادة مهمة للمستقبل وهي عبارة عن تشكيل الاسنان بواسطة الشمع
3-التعويضات الكاملة : يعني بالعامية بدلات
4التعويضات الجزئية :كمان بدلات بس الفرق بينها وبين الكاملة انو الكاملة ما بيكون ولا سن وانت بتعبي الفراغ( بتعمل بدلة بكل الاسنان) اما الجزئية بيكون في اسنان او
كم سن وانت بتكمل الباقي .
وفي مواد بس نظري بدون عملي متل : مواد سنية -الصحة العامة والطب الوقائي -انكليزي -عربي – قومية .
بالسنة التانية :
المواد يللي بتكون بالاولى فيها قسم نظري وعملي بتصير بس عملي لانو انت بتكون حفظت النظري واجا وقت التطبيق العملي وبتنضاف عليهم مادتين يعتبرو
دسمين شوي وهنن التقويم والخزف .
-الدراسة اغلبها من الكتب وفي كم مادة ممكن تكون محاضرات من قبل الدكاترة
-الطالب بالمعهد لازم يكون انسان نشيط ومثابر وصبووور جداً جداً لانو الشغل بيطلب وقت واغلب الاحيان مراحل متعددة وكمان لازم يشتغل ع حالو ويتعب
ليتقن فنون الصناعة واكيد لازم يكون عندو لمسة فنية ليبدع ويتميز عن الباقين ويكون بالقمة .
-الدوام يعنبر اطول دوام بين المعاهد وجلساتو ورا بعض .
-بالنسبة للمواد المستخدمة غالية ومكلفة بس ممكن شراء المستعمل بقيمة اقل .
-الاوائل على الدفعة بيترفعو على كلية طب الاسنان سنة تانية بس بيحملوك 4 مواد من السنة الاولى
-بعد التخرج بتحصل على شهادة الدبلوم التقاني لمعهد طب الاسنان قسم التعويضات هون صار فيك تفتح مخبر لحسابك الشخصي “” التعويضات دهب “”
كتير بتسمعها قبل تدرس بالمعهد, بحب خبرك انو الدهب بالتعويضات بيعتمد ع شطارتك ومهارتك سواء بالشغل او باكتساب الدكاترة
–ملاحظات :
1-المخابر كتيرة بس الاسماء المتألقة قليلة فاسعى انك تكون منهم
2-التعويضات فرع بدو شغل وتعب وفي شغلات ممكن تكون صعبة ع البنات متل صب المعدن وبالمقابل في شغلات بسيطة ومرتبة متل شغل الخزف
