ما تريد معرفته دراسة الطب البيطري في الجامعات السورية
ما تريد معرفته دراسة الطب البيطري في الجامعات السورية
ما تريد معرفته دراسة الطب البيطري في الجامعات السورية
-الطب البيطري
– بالرغم من انو فرع مطلوب كتير بالبلد الا انو مافي غير 3 كليات وهنن
1-كلية الطب البيطري جامعة حماة
2-كلية الطب البيطري جامعة درعا
3-كلية الطب البيطري جامعة الدير
-الفرع مانو صعب كتير وبنفس الوقت بدو تعب
-عبارة عن خمس سنين
معدل القبول بالمفاضلة العامة للعامين السابقين
مفاضلة 2018
-186.4 بحماة
-دير الزور 183.2
-دير الزور لأبناء المحافظات الشرقية 171.6
-درعا لأبناء درعا 139.3
درعا 181.7
عام 2017
-درعا 168.1
-درعا لأبناء درعا 136.1
-حماة179.1
-دير الزور 169.2
-دير الزور لابناء المحافظات الشرقية122.8
من المتوقع السنة تكون المفاضلة قريبة شوي منها
-اول سنة عبارة عن تسلاية معظم المواد فيها مالها علاقة بالفرع باستثناء 3 مواد بهموك لبعدين
-السنة التانية رح تاخد فيها مواد خاصة بالطب بشكل عام متل الجنين ودورة الاستقلاب بالجسم والمورثات وطرق انتاج سلاللات جديدة
-السنة الثالثة هي سنة الفصل واصعب سنة بالفرع لان رح تتابع فيها بالمواد لي بتخص الطب بشكل عام وتدخل بالمواد الخاصة بالفرع ( يعني الامراض الخاصة بالحيوانات ومسببااتها )
-بالمجمل اول 3 سنين بالفرع المواد فيها بتكون مشتركة مع مواد كلية الطب البشري والدكاترة نفسن هون وهناك
-السنتين الأخيرات بتبلش مواد الاختصاص بالفرع ولي بتخص الحيوانات بشكل خاص
(الامراض والعمليات الجراحية )والحيوانات بتحكي عن كل حيوان لحال الامراض الخاصة فيه وكيفية العلاج
-بالنسبة للعمل فهاد بعود الك
-كبنت فيك تشتغل بالمخابر او انك تشتغل بشركة طبية او انك تأجري شهادتك لخريج معهد بيطري وتقعدي بالبيت بنظافتك
-فيك بالإضافة لعملك كطبيب انك تفتح صيدلية بيطرية
او انك تتوظف بدوائر حكومية (الإرشادية) او الفروسية او حتى تخدم عسكريتك كضابط برتبتة ملازم بمؤسسات الجيش
-فيك تابع دراسات عليا وتصير معيد بالكليات الطبية
-في شي اسموا تعديل الشهادة ببعض الدول العربية ولي هي انو تعدل شهادتك من طبيب بيطري لتصير طبيب بشري وهاد بيستلزم انو يكون معدلك عالي طبعاً التعديل بكون لطب بشري اختصاص عظمية واو طب عام( طب العام مو متأكد منها)
