البرامج المهمة في السنة التحضيرية – جامعة الملك عبد العزيز
البرامج المهمة في السنة التحضيرية – جامعة الملك عبد العزيز
البرامج المهمة في السنة التحضيرية – جامعة الملك عبد العزيز
البرامج المهمة في السنة التحضيرية – جامعة الملك عبد العزيز
المناهج السعوديةالبرامج المهمة في السنة التحضيرية – جامعة الملك عبد العزيز
البرامج اللي حتفيدني بالسنة التحضيرية ؟؟
- odus plus
ذا البرنامج هوا اللي حيفيدكم بمسيرتكم الجامعية كاملة ، حتلاقو فيه جداولكم ، اساتذتكم ، درجاتكم مع معدلكم نهاية الترم ، حتدخلو التسكين منه ، تسجيل لترم الصيفي
- Blackboard
السلايدات حتكون هناك، الدكاترة يرسلولكم درجاتكم في ملف هناك، بعض الدكاترة يرسلو فيه رسائل ، نماذج اختبارات قديمة تكون هناك ، تست بانك نفس الشي ، و السيلف تست برضه موجود هناك
- My kau.
حملوه لانه اغلب الدكاترة يرسلو فيه الرسائل … سواء في اكسترا او الغاء محاضرة او احضار شي جديد + تذكيرللاختبارات وطريقة لكم انه تتواصلو معاهم بحيث ترسلو رسالة على ايميلهم وعلى نفس البرنامج ، ودايما شيكو عليه في الصباح قبل ما تخرجو من البيت، او ونتو بالمحاضرة ومثلا الاستاذة اتاخرت ممكن رسلت شي.
٢- ينفع تشرحي بالزبط ايش هوا الكيرف اب ، بونس ، تست بانك ، وورك شيت ، سيلف تيست ؟؟
– نبدأ اول شي بالكيرف اب ، الكيرف اب مهو شي مضمون ويعتمد على درجات الدفعة ، إذا الدفعة كثير راسبين في مادة يحطو كيرف اب عشان يرفعو درجات البنات وممكن يكون ٥ درجات او ١٠ ، يعتمد على درجات البنات.
– ننتقل للبونس ، البونس هيا عبارة عن اسئلة داخل الاختبار ، الاختبار عادةً يكون من ٣٠ + البونس يسير ٣٣ سؤال ، في حالة جاوبتي ال ٣٠ سؤال صح و جاوبتي ال ٣ اسئلة حقت البونس ، البونس يمشي معاكي للدوري الثاني ويعوض عن زي نقص ونفس الحالة بالنهائي …. البونس مهو موجود بكل المواد عادةً ثابت في اختبار الاحياء بالنسبة لخطة ب و فيزياء بالنسبة لخطة أ …. والبونس مو شرط يكون ٣ درجات ، تجي دفعات عندهم بونس بمقدار درجة او درجتين ذَا نظام البونس الي كان على سنتنا ممكن يتغير على سنتكم.
-ينفع توضحي كيف اختبار الايلتس و كم الدرجة اللي تعادلي كل الانجليزي ؟
التسجيل للاختبار يكون اونلاين ، وسعره ب ١٠٠٠ ريال … ينفع تدفعي اونلاين او من طريق انه تروحي تدفعي في القنصلية البريطانية ، والاختبار يقام في الحامعة العربية المفتوحة
اختبار الايلتس ينقسم ل ٤ اقسام
١- speaking
٢- listening
٣- reading
٤- writing
١- السبيكينق هوا تدخلي غرفة مع ال instructor حقتك ، ممكن تكون بريطانية او هندية ، يسجلو المحادثة حقتكم وهذا فيديو يوضح بالزبط كيف طريقة الاختبار
https://youtu.be/wzzOowpCryw
وطبعا المواضيع تختلف من شخص لشخص .
٢- اختبار الاستماع حيكون في قاعة ، يوزعو ورق وسماعات على كل طالبة ويسو اختبار انه السماعات كلها تشتغل ، التسجيل يشغلوه مرة وحدة فقط و الاختبار يكون لمدة ٣٠ دقيقة + ١٠ دقايق عشان تقدرو تنقلو الاجابات وكذا
٣- اختبار القراءة ، حيكون تقريبا فيه ٥ essays تقرأوها وتلاقو اسئلة على كل قطعة ، وتنقلو الاجابات بنفس الوقت لانه مو نفس السماعي *مافي ١٠ دقائق زيادة لنقل الاجابات*
٤- اخر اختبار هوا الرايتينق وينقسم لقسمين
تاسك ١
تاسك ٢
– تاسك ١ يكون يا رسالة او ايميل فا نصيحتي شوفو ايش الشروط لكتابة رسالة او ايميل
– تاسك ٢ يكون essay وغالبا يحتوي على شي ايجابي و شي سلبي وبرضه شوفو طريقة كتابة essay الصحيحة
النتيجة تطلع بعد ١٣ يوم واستلام الشهادة من القنصلية البريطانية
المصدر: البرامج المهمة في السنة التحضيرية – جامعة الملك عبد العزيز – المناهج السعودية
